კომპლექსის ტერიტორიაზე არსებული სპა და ფიტნეს ცენტრი გაჯანსაღებისა თუ რელაქსაციისთვის იდეალურ გარემოს გპირდებათ, რაშიც შედის ჯაკუზი, მასაჟის ოთახი, საუნა და სავარჯიშო დარბაზი. ასევე, კომპლექსის ტერიტორიაზე მოეწყობა ღია და დახურული აუზები.

მზიური გარდენსის უზარმაზარი ეზო ჰამაკებით, პუფებით, ბალიშებით და რბილი ავეჯით იქნება კეთილმოწყობილი, რომელიც იდეალური ადგილი იქნება განტვირთვისთვის და მეზობლებთან სოციალიზაციისთვის. ასევე, ეზოს ტერიტორიაზე მოეწყობა კალათბურთის მოედანი, საზაფხულო ამფითეატრი, დამონტაჟდება საცოცი კედელი, დაიდგმება გიგანტური ჭადრაკის დაფა.

მზიური გარდენსის კომპლექსი ზღვიდან სულ რამოდენიმე ნაბიჯში იქნება განთავსებული. მზიური გარდენსის მაცხოვრებლები პლიაჟზე პირდაპირ გადასვლას სპეციალურად მოწყობილი ხიდის და ლიფტის მეშვეობით შეძლებენ, სადაც მათ დახვდებათ შეზლონგებით, ზღვის ქოლგებით, კაფე-ბარებით კეთილმოწყობილი პლიაჟი. წყლის აქტივობების მოყვარულთათვის ხელმისაწვდომი იქნება სკუტერები, ბანანები, წყლის ველოსიპედები.

მზიური გარდენსში განსაკუთრებულ ყურადღებას ბავშვებზე ზრუნვას ვუთმობთ. ამიტომაც, კომპლექსის ტერიტორიაზე გაშენდება სპეციალური სკვერი და სათამაშო მოედანი ბავშვებისთვის, მოეწყობა მინი აუზი, ეზოს და პლაჟის ტერიტორიაზე- სათამაშო ქვიშის მოედანი, დაიდგმება ბატუტები. ფიზიკურ აქტივობებთან ერთად, ბავშვებს შესაძლებლობა ექნებათ შეუერთდნენ ადგილზე ორგანიზებულ ხატვის, ძერწვის, ცურვის, ინგლისურის გაკვეთილებს. წვიმიან ამინდებში ბავშვები გართობას მათთვის სპეციალურად მოწყობილ დახურულ სათამაშო ოთახში შეძლებენ.

გურმანებისთვის ჩვენი საცხოვრებელი კომპლექსი ნამდვილი სამოთხე იქნება. კომპლექსის ტერიტორიაზე განთავსებული იქნება 4 სხვადასხვა ტიპის რესტორანი, სადაც ქართული, ჩინური, იაპონური, ევროპული და ამერიკული სამზარეულოს დაგემოვნებას შეძლებთ. ასევე, ალკოჰოლური და არა ალკოჰოლური სასმელების ფართო არჩევანით გაგანებივრებთ ჩვენი ლაუნჯები და ბარები.

დასვენებასთან ერთად, კომპლექსში ყველანაირი პირობა იქნება შექმნილი საქმიანი შეხვედრებისთვის. კერძოდ, კი მოეწყობა როგორც შიდა, დახურული საკონფერენციო დარბაზი, ასევე ეზოში გამოიყოფა სივრცე შეხვედრებისთვის.

მზიური გარდენსის მაცხოვრებლებისათვის მოეწყობა ლობი, სადაც მათ კომფორტულ გარემოში საქმიანი შეხვედრების გამართვის თუ უბრალოდ დასვენების შესაძლებლობა ექნებათ. აქვე იფუნქციონირებს ლობი ბარი, რომელიც ალკოჰოლური და არაალკოჰოლური სასმელების ფართო არჩევანს შემოგთავაზებთ.

მზიური გარდენსის საცხოვრებელი კომპლექსის ორი სართული (-1 და -2) პარკინგს დაეთმობა. გარდა ამისა, ეზოს პერიმეტრზე მოხდება მცირე მასშტაბის ღია საპარკინგო სივრცის მოწყობა. აღსაღნიშნავია იქ ფაქტი, რომ ავტოსადგომების მოწყობის დროს სრულად იქნება გათვალისწინებული მოქმედი კანონმდებლობით გათვალისწინებული ნორმები. ჩვენს მულტიფუნქციურ კომპლექსში ყველაზე მწვანე ტრანსპორტისთვის, ველოსიპედებისთვისაც იქნება გამოყოფილი სპეციალური სადგომები.

იმისთვის, რომ ლიფტის რიგში არ მოგიწიოთ დგომა, მზიური გარდენსის კომპლექსში შემავალი თითოეულ ბლოკში დამონტაჟებული იქნება ოთხი ამერიკული ფირმის Otis-ის ლიფტი, რომელიც თქვენს სწრაფ და უსაფრთხო გადაადგილებას უზრუნველყოფს.

მზიური გარდენსის საცხოვრებელ კომპლექსის ყველა სართულზე ტექნიკური მოწყობილობებისთვის ცალკე ოთახები იქნება გამოყოფილი.

წვიამიან ამინდში დროის მხიარულად გასატარებლად კომპლექსის ტერიტორიაზე შეგიძლიათ ითამაშოთ ბილიარდი, ან სულაც მეგობრებთან ერთად კარაოკე იმღეროთ. სამაგიდო თამაშების ( ნარდი, ჭადრაკი, დომინო, ბანქო) მოყვარულთათვისაც ცალკე იქნება გამოყოფილი ოთახი.